„Tesla“ се подготвува да започне со изградба и производство на електрични возила во Индија
Веќе со години кружат шпекулации за Тесла да започне со работа во Индија, и по се изгледа дека шпекулациите ке станат реалност. Извештаите изминатава недела покажаа дека американскиот гигант ја подготвува зсвојата прва голема пратка во земјата и исто така има планови за голем производствен притисок.
Тесла овој месец ќе испрати тим да тестира локации во Индија за предложена фабрика за електрични автомобили од 2 до 3 милијарди долари, според две лица со директно познавање на плановите на компанијата за електрични возила.
Чекорот кон производство на возила во Индија доаѓа откако минатиот месец Њу Делхи ги намали тарифите за поскапи увезени електрични возила за компаниите кои се обврзаа да ги направат во земјата во рок од три години.
Намалувањето на тарифите беше концесија за која Тесла се залагаше како предуслов за инвестирање.
Луѓето кои ги познаваат плановите на Тесла рекоа дека тим ќе биде испратен од САД до крајот на април да ги проучува локациите за фабриката, фокусирајќи се на државите со постоечки автомобилски центри, вклучувајќи ги Махараштра и Гуџарат на запад и Тамил Наду на југ.
Некои автопроизводители имаат погони во државата Харајана, соседна на Њу Делхи, а еден од луѓето рече дека мислат дека Тесла би можел да бара и потенцијални локации низ главниот град. Сепак, вториот човек рече дека фокусот на компанијата на Илон Маск ќе биде на другите три држави бидејќи тие имаат пристаништа, што го олеснува извозот на автомобили.
