Автомеханичар предупредува: Малата километража – големи проблеми: Ова е смрт за автомобилот

Ако возите многу малку километри годишно, можеби ќе сакате да размислите за начинот на кој го користите вашиот автомобил.

Механичарот Крег од Walsall Wood Tires објави видео на TikTok предупредувајќи за ризиците од автомобилите што ретко се возат, пренесува LADBible.

Крег им препорачува на возачите со мала годишна километража да обрнат посебно внимание на одржувањето на нивните возила.

Возилата се расипуваат ако се возат малку

„Автомобилите кои најчесто ги гледаме во лоша состојба, или поради корозија или оштетени делови, се оние кои се возат минимално, да речеме само 30 километри. Таквите возила често се во полоша состојба од оние кои надминуваат 100.000 километри годишно, бидејќи деловите остануваат неподвижни и неподмачкани“, посочува Крег.

„Исто така, нечистотијата и солта на патот остануваат на компонентите бидејќи дождот не ги испира, што доведува до тешка корозија и влошување на состојбата на возилото. Проверка на автомобилот треба да се прави на секои 12 месеци без разлика на староста на автомобилот или километражата, исто како и редовното сервисирање. Еднаш годишно“.

Поранешен механичар го потврди ова тврдење, нагласувајќи дека автомобилите кои ретко се користат се влошуваат со текот на времето.

Техничкиот преглед е законски потребен за да се осигура дека возилата ги исполнуваат безбедносните стандарди, исправноста и еколошките норми, со што ќе се заштитат возачите и другите учесници во сообраќајот. Без валиден технички преглед, возачите се изложени на ризик од казни, забрана за возење, неважечко осигурување и можност нивното возило да биде исклучено како небезбедно за сообраќај.