(Видео) Ајкула се обидела да влезе во кафез со нуркачи, па останала без глава

Голема бела ајкула настрадала кога се обидела да влезе во кафез со нуркачи кај брегот на Мексико.

Ужасниот момент го забележала камерата. На снимките се гледа како големата бела ајкула плива кон кафезот по што главата и се заглавила меѓу металните шипки. Голема количина на крв ја обоила водата во црвено додека ајкулата очајнички се обидувала да се ослободи. Меѓутоа, само неколку секунди подоцна, се гледа како телото на ајкулата полека тоне кон доното на океанот.

Несекојдневната сцена била забележана пред неколку години кај островот Гвадалупе во северозападната мексиканска држава Долна Калифорнија, меѓутоа, снимката повторно станала вирална на социјалната мрежа “X” каде за 24 часа била прегледана 14 милиони пати.

Многу корисници кои го виделе видеото останале ужаснати.

„Ова е ужасно. Се надевам дека ќе го поправат кафезот и дека ајкулите веќе нема така да заглавуваат“, вели едне корнисник.

„Жал ми е за ајкулата. Очигледно се бореше да се ослободи“, наведува друг.

„Не би сакал ајкулата да изеде човек, меѓутоа, овие луѓе се директна причина за смртта која можеше да се спречи“, гласи друга порака.