(ВИДЕО) Европска унија или не, Балкан си е Балкан! Вртеле јагнешко на ражен додека пловеле по Јадран: Видеото предизвика многу коментари
Нема подобро од печено јагне – веројатно така размислува сопственикот на бродот снимен на видео во Сината лагуна кај островот Шолта во Хрватска. Тој на својот брод монтирал ражен, на кој нежно се врти месото.
Разгледување на Јадранот со брод, убавина на хрватските острови и брег, мирис на море, сол, јагнешко … Чекај, јагнешко?! Да, добро прочитавте. Јагнешко!
Корисничката на TikTok, Андреа Хопиќ, на таа социјална мрежа објави видео од бродска обиколка на Сината лагуна, недалеку од островот Шолта.
„Денеска на екскурзија среде Сината лагуна почувствувавме мирис, не мирис на риба, туку како да сме дома, мирис на печено јагне што се шири низ морето … На луѓето им текнало на тоа, секоја чест за нив. Не го пробавме затоа што на дестинацијата не чекаше морска храна, но видеото е повеќе од доволно“, напиша таа заедно со видеото од бродот, на кој има монтирано ражен.
Видеото предизвика бројни коментари, позитивни и негативни.
