Астрономи открија 3 претходно непознати месечини кои орбитираат околу планети во нашиот сончев систем

Три нови месечини беа откриени околу најдалечните планети во нашиот сончев систем. Една од месечините беше забележена како орбитира околу Уран, првото вакво откритие во последните 20 години, додека другите две се забележани на Нептун

„Трите новооткриени месечини се нај бледите досега пронајдени околу овие две ледени џиновски планети со помош на телескопи на земја“, вели Скот С. Шепард, астроном од Институтот за наука Карнеги, во изјавата. „Потребна беше посебна обработка на слики за да се откријат такви бледи предмети.“

Новооткриената Уранска месечина е 28-та што е забележана како орбитира околу ледениот џин, а исто така е веројатно и најмалата, со 8 километри ширина. На Месечината, наречена S/2023 U1, и се потребни 680 земјини денови за да заврши една орбита околу планетата. Во иднина, малиот сателит ќе носи име на Шекспиров лик, во согласност со традицијата на Урановите месечини да носат литературни имиња.

Трите месечини беа објавени на 23 февруари од Центарот за мали планети на Меѓународната астрономска унија.