(ВИДЕО) Иновативен маркетинг за новите телфони на Samsung во Лондон!
SAMSUNG започна оригинална маркетинг кампања во Лондон по повод претставувањето на своите најнови мобилни телефони – Galaxy Z Fold6 и Galaxy Z Flip6. Како дел од кампањата, легендарниот црвен британски автобус е прикажан преклопен како нивните мобилни телефони.
Samsung претстави еден куп нови производи, а еден особено се издвојува
Овој преклопен автобус е дел од уметничкиот проект наречен Fold Town, кој вклучува и преклопена клупа, улична светилка и црвена телефонска говорница. Исто така, метро станицата Old Street беше привремено преименувана во Fold Street како дел од кампањата.
Автобусот, создаден од уметникот Каспар Филипс, е направен од рециклирани материјали од вистински лондонски автобуси и има точни димензии на вистински автобус. Беа потребни два месеци за да се изгради, објави Samsung UK. Дополнителни уметнички инсталации, како што се свиткана клупа, улична светилка и телефонска говорница, беа дизајнирани од Џем Хјуз и исто така беа инсталирани на улицата Олд.
„Сакавме да го превртиме Источен Лондон наопаку“
„Добредојдовте во Fold Town! Сакаме да го прославиме доаѓањето на новата серија Galaxy Z со трансформирање на Источен Лондон со серија изненадувачки настани, вклучително и привремено преименување на Old Street во Fold Street.”
Samsung е во првите редови на иновациите, од екрани што се виткаат до создавање преклопувачки урбани инсталации.
“Возбудени сме што клиентите ќе имаат можност да ја искусат нашата единствена кампања на Fold Street низ источен Лондон“, рече Аника Бизон, маркетинг директор, раководител на стратегијата на сите канали и раководител на ирската подружница на Samsung во рамките на MX одделот.
