Експерт за машини за перење открива зошто вашите алишта мирисаат на мувла: Сите ја правите оваа грешка што ја уништува вашата машина
„Машините имаат гума што не пропушта вода, така што водата што ќе остане внатре само ќе се впие и ќе создаде нечистотија“, објаснува тој.
Експерт за електрични апарати и бела техника неодамна даде многу практичен совет на TikTok кој ќе ја спаси машината за перење од брзо расипување, но и ќе направи алиштата да мирисаат поубаво по перењето. Имено, пред својата компанија која продава апарати за домаќинство и технологија, овој Канаѓанец редовно споделува корисни трикови, а овој е многу едноставен, но пресуден за машината за перење.
Доколку сакате вашата машина за перење да „живее“ подолго, неопходно е да ја оставите вратата отворена секој пат откако ќе ги исперете алиштата, тврди овој експерт. Ова е едноставен трик кој веројатно веќе го знаете и може да спречи многу проблеми и да го направи перењето поефикасно.
„Машините имаат гума што не пропушта вода, така што водата што ќе остане внатре само ќе се впие и ќе создаде нечистотија“, објаснува тој.
Циркулацијата на воздухот ви помага да ја одржувате машината подолго чиста, а со тоа влијае и алиштата да бидат посвежи и помиризливи и е превентивна мерка за создавање на карактеристичен, застарен мирис кој понекогаш се создава во машината за перење.
Ова не е непознато, но многу луѓе едноставно забораваат да ја остават вратата на машината за перење отворена или ја затвораат по навика. Дека е штетно затворањето на вратата на машината за перење потврдија и други експерти.
„Тоа е темна област која е постојано влажна, а главно затворена“, вели Алесандро Газо од компанијата за чистење Emily’s Maids. Таквото опкружување е идеално за појава на мувла, што дополнително влијае на тоа дури и испраната облека да делува нечисто и да мириса на мувла.
Значи, циркулацијата на воздухот мора да постои, затоа не заборавајте да ја оставате вратата на машината за перење отворена секогаш кога ќе перете нова рунда!
