Пронајден ‘најстариот леб на светот’ во Турција кој е стар 8600 години!

Турски археолози велат дека го откриле најстариот познат леб на светот, кој датира од 6600 година п.н.е.

Во рушевини во областа наречена „Мекан 66“ е пронајдена е стара структура на печка. Во областа има куќи од кал, на археолошкиот ископ Чаталхојук во јужната турска провинција Коња.

Околу рерната биле најдени пченица, јачмен, семки од грашок и „сунѓерест“ остаток, се вели во соопштението.

Анализите утврдиле дека органскиот остаток е непечен, ферментиран леб стар 8.600 години.

„Можеме да кажеме дека ова откритие во Чаталхојук е најстариот леб во светот“, изјави археологот Али Умут Туркџан, шеф на делегацијата за ископување и вонреден професор на Универзитетот Анадолу во Турција, за турската државна новинска агенција Anadolu Agency во средата.

„Тоа е помала верзија на леб. Има прст притиснат во центарот, не е печен, но е ферментиран и скробот внатре останал до денес. Досега нема сличен пример за вакво нешто“, додаде тој.

Сликите со електронски микроскоп со скенирање покажаа воздушни простори во примерокот, при што забележаните зрна скроб „ги елиминираа нашите сомнежи“, рече во соопштението биологот Салих Кавак, предавач на Универзитетот Газиантеп во Турција.

Тој додаде дека анализите откриле хемикалии пронајдени во растенијата и индикатори за ферментација. Беше измешано брашно и вода, а лебот бил подготвен веднаш до рерната каде што стоел некое време.

„Тоа е возбудливо откритие за Турција и светот“, рече Кавак.

Чаталхојук, кој е дел од УНЕСКО, бил дом на околу 8.000 луѓе за време на неолитот, помеѓу околу 10.000 п.н.е. до 2.000 п.н.е., и според многу е едно од првите места на урбанизација во светот.